Una sa Balita

PAL-Lucio Tan pinagmulta sa ‘colorum flight’

By
0 604

PAGMUMULTAHIN ng Manila International Airport Authorit­y (MIAA) ng halagang P5,000 kada pasahero ang mga airline company, kabilang na ang flag carrier Philippine Airlines (PAL), na nagsagawa ng ‘uncoordinated flights’ para magsakay ng mga stranded nilang pasahero noong nakaraang buwan.

Ayon kay MIAA general manager Ed Monreal, ang kanyang tinutukoy ay ang 37 local at foreign airlines na nagsagawa ng uncoordinated flights na nakapagpalala sa traffic congestion sa runway, isang araw matapos sumadsad ang Xiamen Air sa runway 06/24 ng Ninoy Aquino International Airport (NAIA) noong Agosto 16, 2018.

“Kung ang eroplano ay may lulang 200 pasahero ‘times’ P5,000 kada, ‘yan ang fine nila, depende sa laki ng ­eroplano, mas malaking eroplano marami ang pasahero,” ani Monreal.

Sinabi pa ni Monreal na nahirapan ang airport ramp controllers sa NAIA Terminal 1 kung saan ipa-park ang mga eroplanong duma­ting na walang koordinasyon sa MIAA at ito ang dahilan sa pagkabuhol-buhol ng traffic sa runway.

Ayon pa kay Monreal, ang mga nagsagawa ng uncoordinated flights ay kinabibila­ngan ng: Asiana Airlines (Incheon, Korea) China Eastern (1), China Southern (2), Etihad Airlines (2), Eva Air, Gulf Air, Japan Airlines (2), Jeju Airlines (2), Korean Airlines, Kuwait Airways, Malaysian Airlines (2), Qantas, Air Brunei 1, Xiamen Air (3), PAL (3), Hong Kong Airlines (2), Air China (2), Oman Air, Qatar Airways at Thai Airways.

Samantala, sinisikap ng Civil Aviation Authority of the Phi­lippines (CAAP) ang maagang pag-release ng official transcription ng black box at data recorder ng Xiamen Air flight MF8667 na dumausdos sa runway.

Ang PAL ay pag-aari ng negosyanteng si Lucio Tan.