Una sa Balita

Pagtugot sa pagtukod og tower sa 3rd telco sa kampo sa militar, giklaro sa AFP

0 170

Andam moatubang ang Armed Forces of the Philippines (AFP) sa bisan unsang imbestigasyon kabahin sa Memorandum of Agreement (MOA) tali sa Mislatel.

Subay kini sa pagtugot sa 3rd telco player nga makabutang og mga cell site sa mga pasilidad sa militar.

Gibutyag kini ni AFP Public Affairs Office chief Col. Noel Detoyato human miingon ang Malacañang nga wala masayud si Defense Secretary Delfin Lorenzana sa maong kasabutan ug mahimo kining ikansilar.

Matud ni Detoyato, walay gitago ang AFP sa maong kontrata ug kamatuoran niini abli sa publiko ang gihimong signing ceremony.

Giklaro pa ni Detoyato nga ang gipasabot nga pasilidad sa militar nga butangan sa mga cell site dili sa sulod mismo sa mga kampo kung dili sa mga relay station sa tumoy sa bukidnga gipanag-iya sa militar.

Matud niya nga dinhi usab gipamutang ang mga cell site sa Globe ug Smart, ug pareho lang ang “accommodation” nga gihatag nila sa Mislatel nga naila karon isip Dito Telecommunity.

Kahinumduman nga gikuwestiyon sa ubang magbabalaod ang maong kasabutan tungod sa hulga nga posibleng maka-espiya ang China sa mga pasilidad sa militar pinaagi sa Mislatel nga gipanag-iya sa China telecommunications. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy