Pagtaas ng presyo ng bilihin, false alarm — DTI

Itinanggi ng Department of Trade and Industry (DTI) na tumaas ang presyo ng mga pa­ngunahing bilihin sanhi ng implementasyon ng Tax Reform for Accele­ration and Inclusion (TRAIN) Law sa bansa.

Sa isang pulong ba­litaan na isinagawa kahapon sa tanggapan ng DTI, na dinaluhan ng National Price Coordinatin­g Council, pinakalma nila ang pub­liko sa mga bali-balitang nagtaasan ang mga presyo ng mga pa­ngunahing bilihin.

Sa monitoring ng DTI sa 400 na mga malala­king tindahan sa Metro Manila, lumalabas na wala namang pagtaas sa presyo ng bigas, karne at iba pang panguna­hing bilihin.

Ayon kay DTI Secretary Ramon Lopez, sa kanilang pag-aaral, ang nagtaas lamang ng mga presyo ay sweetened drinks, mga restaurant, tobacco at transportation.

Ang nasabing pulong ay dinaluhan nina Lopez, Department of Interior and Local Government (DILG) Usec. Epimaco Densing at Department of Agriculture (DA) Usec. Ariel Cayanan at Usec. Ruth Castillo.

Gayunpaman, para paigtingin ang pagbabantay sa mga maaarin­g magsamantal­a ng pagtaas ng presy­o ng la­ngis nagpanukala naman ang DA na magtatag ng Suggested Retail Price (SRP) sa mga agri produc­t mula karne, manok, itlog, gulay at isda.