Una sa Balita

Pagpahamtang ug taripa, dili makaapekto sa inflation rate – Economic managers

By
0 24

Gibasura sa mga economic manager sa gobyerno ang tinguhang pahamtangan ug taripa ang pipila ka palaliton aron moubos ang nasinating inflation sa nasud.

Kini ang nauyonan sa gihimo nga tigum sa tariff commission, kauban ang ubang ahensiya sa kagamhanan.

Matud ni Presidential Spokesman Harry Roque nga inay taripa ang giaprobahan ang pag-import ug isda nga galunggong ug pagwagtang sa special safeguard measures sa sibuyas ug manok busa gipaabot nga moubos ang presyo sa pag-iimport niini.

“Nagkaroon po sila ng desisyon, ang pagbaba po ng taripa ay hindi talaga magbababa ng mga halaga ng bilihin, lalo na ang mga pagkain. So ang ginawa po nilang pamamaraan para mapababa ang presyo, unang una ay iyong pag-approve sa pag-iimport ng galunggong,” matud ni Roque

Sa karne usab sa baboy, matud ni ni Roque nga gihatagan sa Department of Agriculture ang mga negosyante sa usa ka bulan aron maka-import sa gitawag nga minimum access volume quota holders ug paubsan ang ilang presyo.

Para usab sa mga produktong gulay, matud ni Roque nga mohimog regular inspection sa warehouses sa mga importer aron masuta kun unsa gayud level sa inventory.

Sa supply usab sa bugas, matud sa kalihim nga mohimog higpit nga monitoring sa pag-abot ug distribution sa mga NFA rice importation.