Una sa Balita

Pagpagawas sa narco-list gipaniguro sa DILG

By
0 315

Gipaniguro ni Department of Interior and Local Government (DILG) Undersecretary Martin Diño nga ipadayun ang pagpagawas nila sa narco-list o listahan sa mga politikong nalambigit sa iligal nga drugas.

Giklaro ni Usec. Diño, nga gusto nilang kahatagan ug pahimangnu ang katawhan batok sa maong mga politiko kay alang niya usa kini sa mga obligasyon sa kagamhanan.

Gikompirmar usab ni Diño nga kapin 80 ka mga politiko nga anaa sa maong narco-list sa kagamhanan ug gisiguro nga gipaubos kini sa balidasyon sa upat ka ahensya sa kagamhanan.

Matud niya nga pulos mga politiko nga gilangkuban sa gobernador, congressman, mayor ug konsehal, apan wala pa masiguro kung tanan midagan alang sa umaabot nga piniliay sa Mayo 13.

Samtang mipadayag sa ilang pagsupak si Philippine Drug Enforcement Agency Chief, Director General Aaron Aquino nga ibutyag sa publiko ang maong narco-list tungod kay gusto niyang pasakaan ug mga kaso kini.

Gipaniguro usab ni Aquino nga mipahigayun na silag case build-up batok sa mga politiko nga nalakip sa maong listahan.

Kahinumduman nga unang mipadayag sa ilang pagsupak ang Commission on Human Rights, usa ka Commission on Elections commissioner, pipila ka senador ug pipila ka personalidad sa pagbutyag sa publiko sa maong listahan sa dili pa ang midterm elections.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy