Una sa Balita

Pagkakamali ni Anne ‘di nakalusot sa mga netizen

0 645

Masaya at makulit na tanghali ang naging episode kamakailan sa “It’s Showtime” sa segment na ‘Bidaman’.

May pakulo pa nga si Anne Curtis kung saan binati niya ang madlang people ng “bienvenidos” na akala niya ay nangangahulugan ng “good day”.

Napansin ito ng isang fan at direktang sinabihan ang host sa Twitter, at winasto ang tamang paggamit ng mga wikang Espanyol na binitawan ni Anne.

“@annecurtissmith Sorry po Miss Anne but please don’t mislead your audience. ‘Bienvenido’ means ‘welcome’ in Spanish not good day, which is ‘buen dia’. Gracias,” paglilinaw ng isang Twitter user.

Agad namang sumagot dito ang host at humingi ng pasensya. “I stay corrected. Sorry and thank you! To those who watched Showtime yesterday bienvenido means Welcome pala,” sabi ni Anne.

Sabay habol ng “#Stand” sa naturang tweet dahil sinopla na naman siya ng isang fan at sinabing “Sorry but it’s ‘I stand corrected’ charot.”
“Epic lels. When you try to correct one blunder then post another blunder in the process. Cute lang. Still she’s humble to admit her misinformation,” anang isa sa nag-comment.

Tinawanan na lang ng marami ang pagkakamali ni Anne at maling paggamit ng salita pero ipinagtanggol siya ng mga fan sa mga tinatawag na grammar nazi.

Pero ang maganda kay Anne, nanatili siyang mapagkumbaba sa kanyang mga pagkakamali. (Athena Yap)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy