Una sa Balita

Paghingi ng ‘sorry’ ni Agot sa kampo ni PDu30, fake news!

By
0 29

Hindi pa rin tinatantanan si Agot Isidro ng kanyang mga bashers dahil sa pagi­ging vocal nito sa paglaban tungkol sa administrasyon ni Pres. Rodrigo Duterte. Kelan lang ay may fake news daw na lumabas tungkol kay Agot na ikinagulat mismo ng actress-singer.

Sa naturang fake news, ito ang nakalagay: “ANTI TO PRO?: Agot Isidro humingi ng tawad sa kanyang post.”

Agad na may sagot si Agot via Twitter at sinabing wala raw siyang ginawang paghingi ng sorry.

“Sa pagkakaalam ko, wala naman ganitong nangyari. Nagulat din naman ako.”

Lumabas ang naturang article sa website na ‘Blog di latestdutertenews’.

May quote pa ang website kay Agot na: “Sorry I was wrong to side to the opposition party. I’m sorry.”

Nakakuha ng maraming comments ang naturang article, karamihan ay nagsasabi na fake news iyon.