Una sa Balita

Pagdungog sa Sandigan sa plunder case, gipahunong ni Napoles

0 316

Midangop na sa Korte Suprema ang abogado sa giilang pork barrel queen nga si Janet Lim Napoles.

Kini aron pugngan ang Sandiganbayan sa pagpadayun sa pagdungog sa kaso tungod sa pagpanghimakak niini nga ipatuman gitawag nga main plunderer requirement sa plunder case nga gikalambigitan usab ni kanhi senador Jinggoy Estrada ug sa uban pang akusado sa kaso.

Mao kini ang unod sa 100 ka pahinang petisyon ni Napoles nga pirmado sa iyang bag-ong abogado nga si Atty. Rony Garay.

Gitataw sa kampo ni Napoles nga sa kasong plunder usa kapublic officer ang main plunderer ug dili usa ka pribadong indibiduwal sama ni Napoles ang angayang nga pasakaan ug kaso o ma-convict isip primary nga plunderer kung mapakyas paghingalan sa gisang-at nga reklamo kung si kinsa gayud ang matuod nga main plunderer.

Nagtuo ang kampo ni Napoles nga adunay pagpinig sa gahum ang mga mahistrado sa Sandiganbayan dihang gitumbok niini ang Supreme Court ruling sa plunder case nga nalambigit si kanhi Presidente Gloria Macapagal Arroyo diin gitumbok sa SC ang main plunderer requirement. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy