Una sa Balita

Pagdungog sa kaso sa mega shabu lab, padayun

0 224

Gibasura sa Makati City Regional Trial Court ang motion to quash ug recall warrant of arrest nga gisang-at sa abogado sa usa sa mga akusado nga si Xian Xian Wang.

Matud ni Judge Selma Alaras sa Branch 63 sa Makati RTC, nga lig-on o klaro nga adunay conspiracy ang mga respondent sa pag-manufacture o paghimo og iligal nga drugas o shabu sa lalawigan sa Virac, Catanduanes.

Nasayran nga uyonan sa Korte Suprema ang gihangyo sa Department of Justice nga mabalhin ang pagdungog sa kaso sa mga akusado lakip na niini si kanhi NBI Anti-Illegal Drugs Unit Chief Atty. Eric Isidoro gikan sa Virac RTC ngadto sa Metro Manila.

Human gibalihin sa Makati City RTC ang kaso gimandu dayun sa hukmanan nga balhinon usab si Isidoro sa bilanggoan gikan sa Virac District Jail paingon sa Makati City Jail.

Nobyembre 2016 nga nadiskobrehan ang maong mega shabu laboratory sa Virac subay sa pagkasakmit sa 22.509 kilos ng shabu ug 359 kilos sa ephedrine ug iba pang kemikal, atol sa gimong ronda. (Jessilito Campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy