Una sa Balita

Pag-umangkon ni Lito Lapid nadakpan sa buy- bust sa Pasig

By
0 160

Nadakpan ang anak sa usa ka kanhi action star ang moabot sa duha ka kilo nga gitubuan nga marijuana nga nagkantidad ug P80,000 sa gipahigayung buy-bust operation sa Barangay Sta. Lucia, Pasig City karon Martes.

Arestado sa operasyon giingong anak ni Jess Lapid Jr., nga si Jose Maria Lapid, alyas Joey.

Matud sa report nga adunay nadawat nga impormasyon ang Pasig City Police gikan sa mga concerned citizen kabahin sa iligal nga kalihukan sa mga suspek.

Duha ka semana gimonitor sa kapolisan ang mga suspek sa wala pa mohimo operasyon.

Sa gipahigayong buy-bust, P2,000 nga kantidad sa iligal nga drugas ang gipalit sa mga operatiba ug nakigkita ni Lapid sa Ortigas Avenue Extension sa Barangay Sta. Lucia.

Dihang gihatag na ang gidiling drugas ug madawat ni Lapid ang mark money gisikop kini diha-diha ug ang iyang mga kauban nga silang Franklin Ramos, Zackaria Bansil, at Xavier Allan Raymundo.

Subay sa intel sa Pasig Police, anak sa action star nga si Jess Lapid Jr., ang nasikop nga si Jose Maria apan gipanghimakak kini sa suspek.

Iyang gipaghimakak nga naninda siyag iligal nga drugas kay visugo lang siya nga ipahatud ang marijuana.

Mag-atubang ang mga suspek sa kasong kalapasan sa Republic Act 9165 o Comprehensive Dangerous Drugs Act of 2002. ()