Una sa Balita

Pag-operate sa energy firm, gipugngan sa korte sa Mandaluyong

0 262

Gipugngan sa korte sa Mandaluyong City ang pag-take over sa MORE Electric Power Corporation sa business tycoon nga si Enrique Razon sa operasyon sa Panay Electric Company Inc. (PECO) sa Iloilo City.

Sa lima ka pahina nga kamanduan nga giisyu sa Mandaluyong Regional Trial Court (RTC) Branch 209, milagawas kinig temporary restraining order (TRO) batok sa pagpatuman sa prangkisa sa MORE sa ubos sa Republic Act No. 11212 nga gipirmahan ni Presidente Duterte niadtong milabay nga bulan.

Partikular nga gipahunong sa TRO ang pagsugod sa expropriation proceedings batok sa PECO ug ang pagtake over sa MORE sa distribution assets sa PECO sa franchise area.

Gipugngan usab sa maing kamanduan ang Department of Energy ug Energy Regulatory Commission sa pag-iisyu og Certificate of Public Convenience and Necessity (CPCN), provisional authority to operate o bisan unsang permit o lisensya alang sa operasyon sa MORE.

Kumbinsido ang korte nga kung ipatuman ang pipila ka probisyon sa RA 11212, maapektohan ang katungod sa equal protection ug due process ang PECO.

“After careful consideration of the parties’ submissions, the court finds the application for TRO to be impressed with merit. Petitioner PECO was able to establish that the implementation or enforcement of Sections 10 and 17 of RA 11212 will materially and substantially invade its rights to equal protection under the law, due process, and against unlawful taking of property, since respondent MORE, by invoking Sections 10 and 17 of RA 11212, can easily take away, under the guise of eminent domain, petitioner PECO’s distribution assets,” matud sa kamanduan nga gipirmahan ni Judge Monique Quisumbing-Ignacio.

Molanat ang TRO sulod sa 20 ka adlaw.

Subay niini gimanduan sa korte ang PECO nga mobayad og P5 million nga kantidad sa bond.

Gikatakda sa korte ang hearing sa April 2, 2019 alang sa plea for issuance of writ of preliminary injunction nga gipangayo sa PECO.

Sa petisyon sa PECO, gikuwestiyon niini ang constitutionality sa prangkisa sa MORE.

Giingong nalapas ang ilang katungod sa due process dihang gibalihin sa MORE ang ilang prangkisa nga wala lang mangayo sa ilang habig.

Maisip kini nga pag-take over sa gobyerno sa ilang asset aron paburan ang usa ka pribadong kompanya ug dili sa interes publiko.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy