Una sa Balita

Pacquiao nahimasmasan sa pagsipa kay Roach

By
0 9,051

MUKHANG nahimasmasan na ang tinaguriang ‘Pambansang Clown’ ng Senado na si Manny Pacquiao sa umano’y pagsipa niya kay Freddie Roach bilang head trai­ner sa July 15 bout kontra Lucas Matthysse sa Kuala Lumpur, Malaysia.

Sa mga balita nitong araw ay sinasabing sinipa na ni Pacquiao, 39, ang longtime American trainer na si Roach, 58, at papalitan ng kababatang si Restituto ‘Buboy’ Fernandez.

Itinanggi ngayon ito ng eight-division champion.

Sa inilabas na pahayag, sinabi ni Pacquiao na wala pa siyang pinal na desis­yon kaugnay sa kung sino ang hahawak ng kanyang training sa laban kay Matthysse. Aniya, anumang nag­lalabasan sa media na sinibak na niya si Roach ay walang katotohanan.

“Contrary to statements which I personally did not make that are circulating in the media, I have not made my final decision who will be my head trainer for my July 14 fight with Matthysse,” depensa ngayon ni Pacquiao.

Paliwanag pa nito, nakikipag-ugnayan na ang kanyang manager na si Michael Koncz sa kampo ni Roach at ilalabas sa media ang kanyang desisyon sa linggong ito.

“My advisor Mike Koncz has been in contact with Freddie’s people to keep them informed. I will make a final decision within the week. When that decision is made, Freddie will be the first one to be informed and then I will advise the media,” paliwanag pa ni Pacquiao.

Kamakalawa rin ay nagsalita na si Roach kaugnay ng issue at ina­ming nasaktan siya sa desisyon ni Pacquiao. “Manny and I had a great run for 15 years – longer than most marriages and certainly­ a rarirty for boxing,” sabi ni Roach.

Umani rin ng batikos sa ilang social media sites, kabilang ang Facebook, sa umano’y pagsipa ni Pacquiao kay Roach.

Ayon sa Faecbook user na si Walter Martinez, malamang ay natakot sa karma ang fighting senator kaya kumambiyo ito sa pagsibak sa American trainer. “Natatakot siguro sa karma kaya kumambiyo,” ayon sa boxing fan.