Pacquaio naabot na ang rurok
KUNG ngayon na isasagawa ang upakang Manny Pacquiao at Adrien Broner, magkakaproblema si ‘The Problem’ kay ‘Pacman’.
Ayon sa chief trainer ng WBA welterweight champion na si Buboy Fernandez, naabot na ng 40-anyos na fighter ang rurok ng kanyang preparasyon para sa January 19 title defense bout kontra Broner sa MGM Grand sa Las Vegas, Nevada.
“Yeah, Manny is ready to fight anytime from today,” deklara ni Fernandez sa artikulong lumabas sa boxingscene.com.
“Manny has now reached his peak. Thank God the sacrifices he underwent from the time we pitched camp in Manila five months ago has now been rewarded.”
Kuwento pa ni Buboy, sadyang disiplinado ang ‘Pambansang Kamao’ kahit pa kabi-kabila ang commitment nito.
“Imagine, before we left Manila, Manny had to shuttle back and forth daily from his house, working out on the road then to his Senate office before noon to attend sessions and meetings then to the gym.”