Una sa Balita

P2.7M ayuda ng Iloilo City sa mga biktima ng lindol

0 488

MAGBIBIGAY ng P2.7 milyong tulong pinansyal ang lokal na pamahalaan ng Iloilo sa mga nabiktima ng lindol sa Mindanao.

Ayon kay Iloilo City Mayor Jerry Treñas, inaprubahan ng City Disaster Risk Reduction and Management Council ang resolusyon para sa cash assistance sa siyam na local government unit (LGU).

“We have approved the resolution for the financial assistance but we will have to wait for the approval of the City Council,” ani Treñas.

Makatatanggap ng cash assistance ang Kidapawan at Digos City, Makilala, Tulunan at M’lang sa North Cotabato, gayundin ang Bansalan, Matanao, Magsaysay, at Kiblawan sa Davao del Sur.

Inihahanda na rin ng lungsod ang donasyon nito sa mga biktima ng lindol tulad ng mga jerry­ can, kumot, hygiene kit, tent at food pack. (Prince Golez)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy