Una sa Balita

P1B nga kantidad nga drugas nasakmit sa Malabon

0 290

By jess campos

Moabot sa 146 ka kilos sa iligal nga drugas nga nagkantidad og kapin sa P1 bilyon ang nasakmit sa Philippine Drug Enforcement Agency (PDEA) nga gisulod sa mga aluminum pallet sa usa ka bodega sa Malabon City.

Sa gihimong press conference, matud ni PDEA chief Aaron Aquino, naggikan ang shipment sa Cambodia ug kabahin kini sa giingong Golden Triangle drug syndicate.

Giingong adunay koneksyon kini sa gihimong operasyon sa PDEA sa Dasmariñas, Cavite niadtong Pebrero 13 diin nasakmit og iligal nga drugas nga nagkantidad og P244 milyon; ug Tanza, Cavite niadtong Pebrero 3 nga moabot sa P1.9 bilyon nga kantidad sa droga ang narekober.

Matud Aquino, nga human ang operasyon sa Dasmariñas kauban ang Armed Forces of the Philippines mihimo silag forensic investigation sa cellphone sa mga nasikop nga suspek nga silang Alexander Jun Wah Ting Lee ug Patrick John Gankee.

Dinhi nadiskubre nga ang maong grupo adunay nagsingabot nga shipment nga gibutang sa tapioca starch ug naka-consign sa usa ka kompanya nga Goroyam Trading.

Daling nakig-.alayon ang PDEA sa BOC aron makit-an ang shipment, ug nasayran nga anaa sa Malabon City ug giabandonar niadtong Marso 5.

Sa follow-up, gipasubasta ang giabandonar nga shipment sa pagtuo nga masikop ang mga miyembro sa sindikato apan ang Goldwin Commercial Warehouse maoy labing taas nga bid niadong Abril 22.

Dugang pa sa PDEA chief, dili konektado sa iligal nga drugas ang tag-iya sa warehouse.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy