P.5M perlas naharang sa NAIA

By

Nasabat ng mga tauhan ng Bureau of Customs (BOC) ang tinatayang 8.42 kilo ng perlas na nagkakahalaga ng P500,000.00 na tinangkang ilusot sa Ninoy Aquino International Airport (NAIA) Terminal 2 kamakailan.

Ayon kay Customs Commissioner Nick ­Faeldon, nakuha ang nasabing ilegal na kargamento nang dumaan sa x-ray machines ang kargamento na dala ng pasaherong si Ansari B. Hassan nang dumating ito sakay ng Cebu ­Pacific Airlines Flight 5J119 mula sa Hong Kong noong Marso 28.

Agad na sumailalim sa physical ­examination ang nasabing bagahe kung saan nakumpirma na naglalaman ito ng 48” strand pearls na naka­tago sa isang puting plastic bag.

Sinabi ni Maj. Jaybee Raul Cometa, X-Ray Inspection Project director, hindi napatuna­yan ng suspek na may kakayahan itong bayaran ang import duties sa nasabing kargamento kaya kinumpiska ito.

Nasa kustodiya ng BOC ang nasabing kargamento habang isinasailalim sa eksaminasyon at ebalwasyon.


SHARE