Una sa Balita

Okada, nakapiyansa human madakpi sa Hong Kong

By
0 74

Gikumpirma sa Universal Entertainment Corporation (UEC) sa Japan nga nasikop sa Independent Commission Against Corruption (ICAC) ang gaming tycoon nga si Kazuo Okada niadtong miaging semana tunhod sa pasangil sa pagpangawkaw.

Sa usa ka statement, gitumbok sa UEC nga subay sa impormasyon nga ilang nadawat gikan sa ICAC sa Hong Kong.

Apan kasamtangang nakagawas si Okada human kini mipiyansa.

Si Okada angb kanhi chairman sa board sa UEC sa wala pa kini mobiya sa puwesto niadtong Hunyo 29, 2017.

Subay sa gihimong pakisusi sa mga otoridad sa Hong Kong, gipaniguro sa UEC nga andam.kini moabag sa ICAC sa Hong Kong.

Si Okada nag-atubang usab ug reklamo sa Pilipinas human siya pasakahi ug kasong perjury ug estafa sa Tiger Resort Leisure and Entertainment o TRLEI tungod sa paggasto sa kapin 10 milyon US dollar nga pundo nga pundo sa Tiger Resorts sa gikan sa 2016 ug Hunyo 2017.

Naglaum ang Tiger Resort, ang tag-iya sa Okada Manila Hotel Resort sa Parañaque City, nga sa daling panahon atubangon na ni Okada ang mga kaso batok kaniya sa Pilipinas. ()