Una sa Balita

OFWs remittance misaka – BSP

By
0 146

Dungan sa pagsaka sa exchange rate sa dolyar sa peso mosaka usab ang kantidad sa kuwarta nga gipadala sa mga OFW nga anaa sa gawas sa nasud sa ilang mahal sa kinabuhi dinhi sa Pilipinas.

Sa gipagawas nga datos sa Bangko Sentral ng Pilipinas (BSP), niadtong Mayo misaka ug 6.9 porsiyento ang cash remittances sa mga overseas Filipino.

Matud sa BSP, ang cash remittance nga gipaagi sa mga bangko miabot sa $2.5 bilyon sa nmaong bulan busa miabot sa $11.8 bilyon ang remittances sa una nga buwan sa 2018

Nasayran nga 78 porsiyento sa cash remittances gikan sa US, Saudi Arabia, Singapore, United Arab Emirates, United Kingdom, Japan, Hong Kong, Qatar, Germany ug Kuwait.

Samtang ang personal remittances niadtong Mayo miabot sa $2.7 bilyon nga mas taas ug 6.1 porsiyento kun itandi niadtong May 2017 ug gikan sa Enero hangtud Mayo moabot sa $13.2 bilyon ang personal remittances. ()