Una sa Balita

NPA leader ug tigpamaba nasikop sa Sarangani

0 268

Nasikop ang usa ka lider ug tigpamaba sa New People’s Army (NPA) lakip ang duha pa ka communist terrorist sa joint law enforcement operation sa mga tropa sa 1002nd Infantry Brigade ug Police Region Office 12 sa Sarangani province, Huwebes sa buntag.

Sa report ni Maj. Ezra Balagtey, tigpamaba sa Eastern Mindanao Command, giila ang nasikop nga communist leader nga si Nicanor Pason, nga naila isip Kumander Costan, ang pangulo sa NPA nga nag–operate sa Sarangani, South Cotabato ug Sultan Kudarat.

Kauban nga nasikop ang spokesperson sa Far South Mindanao Regional Committee sa NPA nga si Bernard Prespetero ug duha ka NPA couriers nga silang Josephine Carvajal Sumagaysay ug Reynaldo Beringel Loyola.

Bugtong si Kumander Costan ang samaran sa maong operasyon dihang miresponde ang mga tropa sa tinguhan niining pagpaboto sa granada.

Si Kumander Costan adunay standing warrant of arrest alang sa murder nga giluwatan ni Regional Trial Court 11, Branch 38 Alabel, Sarangani Province.

Gidala si Kumander Costan sa Maitum Hospital aron patambalan samtang ang tulo niya ka kauban gidala sa police station alang sa himoung legal nga aksyon batok kanila.

Matud ni Eastmincom Commander Lt. Gen. Filemon Santos, karong mihinay na ang puwersa sa NPA sa daghang mitahan, ug gihatagan nilag pagtagad ang paggukod sa ilang mga leader. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy