Una sa Balita

“No helmet, no travel” policy sa Tuguegarao gisuspensu tungod sa hulga sa terorismo

0 192

Kasamtangang gisuspensu sa lokal nga kagamhanan sa Tuguegarao City hangtud sa Agosto 20 ang “no helmet, no travel” policy tungod sa giingong hulga sa terorismo.

Sa usa ka official statement, matud ni Tuguegarao City Mayor Jefferson Soriano, ang usa sa mga rason sa pag-suspend ang pagsul-ob og helmet sa mga nagmotorsiklo sa lokal nga kagamhanan aron mapaniguro ang kaliwasan sa publiko taliwala sa hulga sa terorismo sa Northern Luzon.

Kahinumduman nga karong bulana, migawas ang alert memo gikan sa intelligence unit sa Northern Luzon Command nga doblehon ang monitoring tungod sa posibleng pag-atake sa Islamic State of Iraq and Syria ug pagpaboto sa dagkung simbahan taliwala sa mikatap sa social media.

“We understand that this information has caused serious concern among our constituents. However, please be assured that the matter is being taken seriously by our city officials and our local police,” matud ni Soriano, nga usa ka retiradong polis.

Ang “no helmet, no travel” policy gipatuman niadtong Hulyo 1 nga adunay P200 hangtud sa P500 nga multa sa molapas niini.

Samtang, ang pagsul-ob og backpack gidili usab sa ubang aktibidades sa maong siyudad sama sa TugSayaw Competition, Afi Festival Dance Presentation, ug Miss Tuguegarao Pageant nga mahitabo sa Cagayan Sports Complex.

Giingnan saTuguegarao City Police Station (TCPS) ang mga residente nga magmabinantayon ug i-report ang bisan unsang kadudahang lihok sa mga tawo o itawag sa TCPS sa 0905-800-5118 o sa Tuguegarao City Command Center, 0906-622-9924. (Jess Campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy