Una sa Balita

NFA rice mapalit na sa mga ‘bagsakan’ – NFA

By
0 157

Gipalihok na pagbalik sa National Food Authority (NFA) ang ilang Barangay Food Terminals (BFTs) aron daghan ang konsumedor nga makapalit sa imported NFA rice.

Kini subay sa mandu ni NFA Administrator Jason Aquino sa ilang field officers nga palapdan ang pagpakatap sa bugas nga gikan sa Thailand ug Vietnam.

Gibutyag niini nga aduna silay giablihan nga 76 BFTs, nga ilang gihatdan hangtud sa 35 ka sako sa bugas ug namaligya hangtud sa 10 kilo sa NFA rice sa matag konsyumer.

Pagpasabot ni Aquino,nga ang mga BFT makita sa gitawag nga ‘bagsakan’ o ang mga dapit diin ipanghatud ang abot nga produkto sa mga mag-uuma.

Matud niya adunay BFTs sa Metro Manila, Cavite, Albay, North Cotabato, Davao del Sur, Davao Occidental, General Santos City, Benguet, Kalinga, Masbate, Camarines Sur, Caraga, Camarines Norte ug Sultan Kudarat.

Niadtong miaging semana, gisugdan na sa NFA ang pagpakatap na sa nagkadaiyang bahin sa nasud sa pasiunang 250,000 metriko tonelada nga bugas gikan sa Thailand ug Vietnam ug gipamaligya kini sa tag P27 matag kilo.