Una sa Balita

NCRPO subsub ang pagpangandam ni Ompong

By
0 37

Gipahimangnuan na ni National Capital Region Police Office (NCRPO) Director Guillermo Eleazar ang iyang lima ka district directors hangtud sa mga hepe sa istasyon sa kapolisan sa posibleng epekto sa super bagyo nga Ompong sa Metro Manila.

Matud ni Eleazar nga motabang siya nga makab-ot ang ‘zero casualty target’ sa nagsingabot nga kalamidad.

Matud niya kinahanglan nilang higpitan ang seguridad ilabina kung adunay himoung silang rescue operations.

Dugang pa ni Eleazar nga iyang giandam ang Search and Rescue personnel ug lakip ang ilang mga rescue equipment.

Gitahasan usab niya ang iyang mga field commander nga makig-alayon sa mga local government unit ug sa local disaster management councils.

Subay niini nanawagan si Eleazar sa publiko nha regular nga mag monitor sa weather updates ug mosunod sa pahibalo sa ilang lokal nga kagamhanan.