Abante Online
Abante is the leading Tagalog-language tabloid paper in the country.

National ID system tungo sa mabilisang pagtugon sa pandemya

0 550

Habang buhos ang atensyon ng gobyerno sa pandemya, lumulutang ang halaga ng mga paraan sa pagpapabilis ng pagtugon sa mga pangangailangan ng taumbayan.

Isa dito ang Philippine Identification System (PhilSys) o National ID system. Papabilisin nito ang pamamahagi ng ayuda — mapa-pagkain man o cash assistance — lalung-lalo na sa napag-iiwanang mga sektor.

Sa Tapatan sa Aristocrat virtual forum nitong Lunes, ating binigyang diin ang kahalagahan ng isang tama at maayos na national database bilang kasangkapan sa direksyon ng polisiya at pagpapabilis ng pagtugon.

Sa harap ng mga hamon sa pamamahagi ng social amelioration program (SAP) cash subsidies at iba pang mga aksyong mapagtugon ng administrasyon sa gitna ng pandemya, nabigyan ng pagpapahalaga ang isang National ID system.

Ngayon, sinisikap ng pamahalaan na pabilisin ang paghahatid ng mga serbisyong panlipunan sa mga nadedehadong bahagi ng populasyon –– ang mahihirap, kababaihan, mga taong may kapansanan, mga nakatatanda, bata, mga katutubo, at iba pa. Ang mga ito ang target tugunan ng social protection programs kung saan nakapaloob ang mga programang subsidiya at tulong sa pagkain.

Your email address will not be published.