Abante Online
Abante is the leading Tagalog-language tabloid paper in the country.

National Children’s Book Day kakaibang selebrasyon

0 603

Sa pagdiriwang ng National Children’s Book Day (NCBD), ang Philippine Board on Books for Young People (PBBY) sa pakikipagtulungan sa Cultural Center of the Philippines (CCP) Intertextual Division ay magkakaroon ng mga seryeng online na pawang aktibidad pambata ngayong buwan ng Hulyo na may temang “Sa Pagbabasa, Hindi ka Nag-iisa”.

Ang mga aktibidad, tulad ng mga palihan ay naka-live stream nang libre sa iba’t-ibang social media platforms.

Ang on-line na pagdiriwang ay magsisimula sa PBBY’s awarding ceremony para sa mga nanalo sa PBBY-Alcala and Salanga Prizes na gaganapin ngayong Hulyo 21, 10:00am. Ito ay susundan ng NCBD 2020 Website Launch, 12:00pm na pwedeng matunghayan at panoorin sa opisyal na CCP at PBBY Facebook pages. Ang napiling tema ng website ay umiikot sa kasalukuyang sitwasyon ng COVID-19, quarantine, lockdown, at ang halaga ng kooperasyon, damayan, pagmamalasakit sa kapwa at pagkakaisa sa panahon ng isang krisis pang-kalusugan.

Pagkatapos ng website launch, ang mananalaysay na si Posh Develos babasahin ang isang kwento mula sa isang librong pinamagatang “Mas Masaya Kapag Kasama Ang Pamilya. ”

Ang nasabing storytelling session ay mapapanood rin ma-i-stream din online, 2:00pm sa official Facebook pages ng CCP at CCP Arts Education. Ang “Mas Masaya Kapag asama Ang Pamilya” ay aklat na isinulat at isinalarawan ni Ellen Jay Tampus.

Related Posts

‘Realidad’

Duyan

Sa susunod na araw, Hulyo 22, 3:00pm, isang may-akda at illustrator, si Bb. Beth Paroccha kasama si Bb. Liza Flores ay mag-aalok ng mga suhestiyon, payo, pamamaraan at tip kung paabo iguhit ang mga katauhan ng libro ng mga bata sa isang palihan. Ang workshop session ay streamed sa official CCP at PBBY Facebook pages.

Sa Hulyo 23 naman, 3:00pm, ang Sinag, isnag pangkat ng mga artist sa sininib biswal, ay mag-aalok ng isang live-stream session kung paano mag-drawing para sa isang libro na may mahirap na mga paksa sa CCP at PBBY Facebook pages.

Ang kanilang huling aktibidad, sa Hulyo 25, 3:00pm, ang Lock ‘n Roll group ay magkakaroon ng panayam sa mga nawagi sa PBBY-Alcala and Salanga Prizes. Ang panayam ay mapapanood sa Lock ‘n Roll at sa CCP Intertextual Division’s official Facebook pages.

Ang NCBD ay pinagdiriwang taun-taon tuwing ikatlong Martes ng Hulyo hindi lamang upang gunitain ang petsa ng paglalathala at publikasyon ng Jose Rizal’s “Ang Pagong at ang Matsing” sa Trubner’s Oriental Record sa London, kundi bigyang diin ang kahalagahan ng pagiging malikhain, mausisa at imahinasyon ng mga kabataang manunulat.

Para sa iba pang impormasyon tungkol sa NCBD activities, bumisita sa PBBY Facebook page.

Para sa mga iba pang katanungan at additional information tungkol sa events, maaring tumawag sa CCP Intertextual Division, telepono bilang 8551-5959 o 0919-3175708.

Leave A Reply

Your email address will not be published.