Nakagarapon na fetus, binalandra sa eskinita

Isang nakagarapon na fetus ang natagpuan sa eskinita sa Tondo, Maynila kahapon ng madaling-araw.

Agad na nakita ng isang residente ang fetus sa loob ng sisidlan nito nang madiskubre niya ito malapit sa kanal ng Lakandula St., Brgy. 33 bandang alas-singko ng madaling-araw.

Ini-report nito agad sa kanilang barangay ang insidente na siya namang tumawag sa pulisya para sa kaukulang aksiyon.

Kumbinsido ang mga opisyal ng barangay sa lugar na sadyang itina­pon ang garapon sa eskinita para iligaw ang mga awtoridad. Nirerebyu na ng mga awtoridad ang mga kuha ng CCTV sa lugar para matukoy ang nagtapon ng garapon sa lugar.