Una sa Balita

‘Nagnakaw’ kay Pacquiao, itataob ni Crawford

By
0 1,719

Sa darating na Lingg­o (Sabado ng gabi sa Amerika), tatalunin ni former two-division champion American Terrence Crawford ang taong tumalo at ‘nagnakaw’ ng korona ni eight-division champion Manny ‘Pacman’ Pacquiao.

Ito ang matapang na deklarasyon ng 30-anyos na boksinger­o at idineklarang pupulbusin si WBO weltweight champion Jeff Horn ng Australia sa kanilang bakbakan sa MGM Grand sa Las Vegas, Nevada sa Hunyo 9.

Para sa 5’8” Omaha, Nebraska native, napa­kaimportanteng laban ito sa kanyang karera.

“It means a lot,” dada ng Kano. “I’m going to beat the man who beat (Manny) Pacquiao.”

Isa si Crawford sa milyon-milyong boxing aficionado na nagsasabing ‘ninakawan’ ni Horn ng korona si Pacquiao noong Hulyo 2017 sa Brisbane, Australia.

Nagulat ang marami nang ideklarang p­analo ang 30-anyos na Australyano sa bisa ng unanimous decision kahit marami ang nagsasabing mas maraming konektang mabibigat na suntok ang kaliweteng Pinoy.

Hindi naman natitinag ang WBO 147-pound ruler. “I’ve been working very hard in the preparation for this fight,” ani Horn.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy