Una sa Balita

Nagkadaghan ang kontra: PNP SAF gipalig-on ni Duterte

By
0 371

Gidugangan ni Presidente Rodrigo Duterte ang puwersa sa Philippine National Police-Special Action Force (PNP-SAF) nga gikansa pito ka libo hangtud sa napulo ka libo.

Sa iyang pakigpulong sa oath taking sa mga bag-ong heneral sa PNP sa Malacañang, matud sa Presidente nga nag-atubang ang nasud sa daghang kaaway busa kinahanglan nga dugangan ang puwersa sa kapolisan ug sundalo.

Matud niya nga nagkadako ang problema busa angayang dugangan sa kagamhanan ang puwersa aron isakbang niini.

“I may just also remind you that we are facing so many fronts. I need more soldiers. I would need about an additional of seven to 10 SAF troopers. Kasi palaki nang palaki ang problema. We thought all the while that it would somehow wane, medyo hihina na,” matud sa Presidente.

Gimanduan sa Presidente si PNP Chief Director General Oscar Albayalde nga sugdan na ang pag-recruit og mga bag-ong polis aron maoy moatubang sa nagsingabot nga hulga sa nasud.

“So kailangang-kailangan ko. Maybe General Albayalde can at least start on this project. I need about 10 more. Kayong talagang — talagang gasgasin ninyo nang husto ‘yung sundalo para we can meet the coming dangers ahead,” dugang sa Presidente.

Kahinumduman nga gibutyag sa Presidente nga adunay nagsingabot nga hulga sa teroristang ISIS sa nasud busa mag-ampo kini nga unta walay kasamok nga mahitabo.

Matud sa Presidente nga dili siya mohatag kabalaka sa publiko apan tungod kay adunay mga ISIS leader nga nag-migrate sa Southeast Asia, dili layo nga adunay terorismo sa nasud.

“Apparently, with the migration — excuse me — a lot of ISIS leaders in the Southeast Asia, we will have terrorism. Ang tinatakutan ko ‘yung ginagawa nila. You know what I mean and I don’t want to raise an alarm before the public,” matud pa sa Presidente.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy