Una sa Balita

Modus sa mga illegal nga recruiter, bantayan sa task force sa DOLE

By
0 43

Miumol karon ang Department of Labor and Employment (DOLE) sa usa ka bag-ong task force nga maoy magmonitor sa mga kaso sa illegal recruitment ug human trafficking.

Ubos sa administrative order nga giisyu ni DOLE Sec. Silvestre Bello III, lakip sa himoun sa bag-ong task force ang pag-umol ug pagpatuman sa mga istratehiya batok sa mga modus operandi sa mga illegal recruiter ug mo-rekomendar sa kalihim sa DOLE sa mga angayang gukdon.

Adunay gahum ang task force sa paghimog surveillance ug entrapment operations ug pagoabivayun ug dinaliang imbestigasyon batok sa mga nalambigit sa illegal recruitment.

Kauban sa task force ang PNP-Criminal Investigation and Detection Group nga maoy magsilbi niini nga operational ug law enforcement arm.

Pangulohan ang grupo ni DOLE Undersecretary Jacinto Paras ug makauban usab niya ang mga opisyal sa Philippine Overseas Employment Administration (POEA) ug Bureau of Local and Employment, lakip usab ang Overseas Workers Welfare Administration, International Labor Affairs Bureau (ILAB) ug Bureau of Workers with Special Concerns.

Karon lang bag-o gikataho sa Philippine Overseas Employment Administration nga adunay 156 ka biktima sa illegal recruitment nga natala gikan niadtong Hunyo 18 hangtud sa Oktubre 2018.