Una sa Balita

Moabot sa P18M nga kantidad sa shabu nasakmit sa buy-bust sa Naga City

0 212

Gibanabana nga nagkantidad og P18 milyones ang nasakmit nga shabu gikan sa usa ka Nigerians ug native sa Camarines Sur sa managlahing buy-busy operations sa Naga City.

Matud ni Police Major Maria Luisa Calubaquib, information officer sa Bicol police, nga mga 12:15 sa udto niadtong Sabado, gisikop si Azubuike Onwigbolu, 32-anyos, Nigerian businessman nga nagpuyo sa Angeles City, Pampanga, sa usa ka buy-bust sa Barangay Triangulo, Legazpi City.

Nasakmit sa mga otoridad ang shabu nga nagkantidad og P17 milyones gikan ni Onwigbolu nga misulod sa Naga tulo ka adlaw sa wala pa kini nasikop.

Sa usa ka lahing operasyon niadtong Sabado, nasikop ang mga suspek nga silang Judith Camacho, 46-anyos, molupyo sa Barangay San Jose, Bombon sa Camarines Sur, ug laing pang Nigerian nga si Mbaneto Sopuluchukwu, nga nailhan usab sa alyas nga Hermann Kurt Philip, 22-anyos mga alas-10:45sa buntag sa Barangay Dinaga.

Matud ni Calubaquib, usa si Camacho sa supplier sa shabu sa lalawigan.

Sa gihimong operasyon, nakapit ang poseur-buyer og 100 grams nga shabu nga nagkantidad ug P100,000.

Narekober usab sa mga polis ang usa ka plastik nga ice nga adunay sulod nga gituhoang shabu nga adunay estimated market value nga P680,000. (Jessilito Campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy