Una sa Balita

Moabot sa 33 ka tawo patay sa heat wave sa Canada

Moabot sa 33 ka tawo patay sa heat wave sa Canada

By
0 61

Moabot na sa 33 ka tawo ang namatay tungod sa heat-related complications human mipatong sa 43 degrees Celsius (110 degrees Fahrenheit) ang temperatura, matud sa health authorities sa Canadian province of Quebec.

Matud sa report, nga 18 sa mga namatay naggikan sa Montreal samtamg ang uban kay gikan sa probinsiya sa Quebec.

Giingong kasagarang biktima mga lalaki nga nag-edad ug 50 anyos ug nagpuyo nga nag-inusara sa apartment ug ubang seniors’ residences.

Tanang mga biktima walay air-conditioning unit ug kadaghanan sa namatay anaa sa sulod sa ilang panimalay.

Aduna nay gipagawas nga heat warnings kabahin niini sa southern Quebec, Ontario ug Atlantic Region.

Samtang mipadala sa iyang pahasubo si Canada Prime Minister Justin Trudeau sa mga tagtungod sa mga namatay sa record-breaking nga heat wave. ()