Una sa Balita

Moabot sa 300 ka gasoline station mipatuman na ug dugang buhis sa Petrolyo

By
0 267

Moabot na sa 300 ka gasolinahan gikan sa 8,006 sa nagkadaiyang bahin sa nasud ang nagsugod na pagpatuman sa P2 excise tax sa matag litro sa gasolina ug diesel ug P1 sa matag kilo sa LPG nga mandu sa Tax Reform for Acceleration and Inclusion (TRAIN) Law.

Matud ni Department of Energy Undersecretary Wimpy Fuentebella, nga niadtong Enero 5 nag-abiso ang 268 ka gasolinahan nga mopatuman na sialag dugang buhis ug napun-an pa karong adlawa.

Lakip sa nagpatuman ug dugang buhis mao ang Flying V ug Petron.

Sa Enero 15 hangtud sa Pebrero 1 gipaabot nga mopatuman ug dugang buhis an tanang gasolinahan.

Gipasabot ni Fuentebella nga adunay unang mipatuman sa dugang buhis, tungod kay una ilang nahutdan sa ilang pundo nga petrolyo ug ang ilang gibaligya napalit kini nila niadtong Enero diin nagsugod na gipatuman ang bag-ong level sa excise tax sa petrolyo.

Tambag sa DOE sa mga motorista nga modisiskarte na lang aron kini makadaginot sa petrolyo.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy