Una sa Balita

Moabot sa 210,000 ka Hongkongers milinya sa 61 ka kilometro nga human chain

0 229

Naglinya ang kapin sa 210,000 ka raliyista sa tibuok Hong Kong, niadtong gabii sa Agosto 23, alang sa “Hong Kong Way” human chain nga nagtinguha nga madungog ang five core demands nila sa ilang kagamhanan.

Alas-siyete sa gabii gisugdan pagdumog mga Hongkonger ang mga mass transit railway ug uban pang daghang tawo nga dapit ug milinya sa matag kilid sa usag usa ug ilang gipuno ang tulo ka railway line.

Pagkataud-taud nagginunitay sa ilang mga kamot ang mga raliyista ug dungang nanawagan alang sa demokrasya.

Lima ang gipangayo sa mga raliyista: pormal nga pagbakwi sa extradition bill, amnestiya alang sa mga nakatabang, imbestigasyon sa pagpangabuso sa Hong Kong police, pagbakwi sa terminong “gulo” isip paghulagway sa protesta, ug pagpahibalik sa nalangan nga political reform process sa nasud

Adunay kapin sa 1,000 ka tawo ang misaka sa Hong Kong landmark nga Lion Rock, diin migamit sila og laser pointers aron makig-usa sa panawagan.

Pag-ila usab sa Hong Kong Way sa protestang “Baltic Way” nga gihimo sa mga katawhan sa Estonia, Latvia, ug Lithuania niadtong 1989 alang sa pagdemanda kagawasan gikan sa Soviet Union. (Jess Campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy