Una sa Balita

Moabot na sa P45.8M ang kadaut sa El Nino sa Cebu.

0 173

Tungod sa grabing nasinating init moabot na sa P45.8 million ang gikatahong kadaut tungod sa El Niño sa 32 ka local government units (LGUs) sa Cebu diin moabot na sa P14.19 million ang kadaut sa agrikultura, P836,200 sa livestock ug sa marine agriculture nga miabot na sa P30 million ang kadaut tungod sa nasinating dry spell.

Kini ang gikompirmar sa tagdumala sa Provincial Disaster Risk Reduction Management Office (PDRRMO) nga anaa sa 32 ka LGU na ang apektado sa El Niño, lakip na ang 11 ka lungsud bayan ug siyudad nga ipaubos na sa state of calamity.

Matud ni Rhee Telen Jr. Sa PDRRMO, apektado na ang siyudad sa Carcar, Toledo ug Talisay lakip na ang mga lungsud sa Ginatilan, Minglanilla, Samboan, Sogod, Tudela, Dumanjug, Alcoy ug Santander.

Sunod usab nga magdeklarar ug state of calamity ang Bogo City ug mga lungsud sa Sta. Fe, Asturias, Pilar, Compostela, San Fernando ug Borbon nga apektado sa grabing dry spell diin grabing naapektohan ang ilang.mga pananum , mga hayop sama sa manok ug baboy ug nga mga mananagat. (Jessilito Campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy