Una sa Balita

Misugod na palihok ang Preliminary investigation sa shabu nga gisulod sa magnetic lifter

By
0 269

Misugod na pagtuyok ang preliminary investigation sa Department of Justice (DOJ) sa kasong adunay kalambigitan sa shabu nga gisulod sa mga magnetic lifters sa Manila International Container Port (MICP) ug ang Upat Ka magnetic lifters sa GMA, Cavite nga gituhuang ginamit sa smuggling sa shabu.

Wala mokita sa pagdungog si kanhi PDEA Deputy Director Ismael Fajardo ug kanhi PNP-AIDG OIC Senior Supt Eduardo Acierto nga maoy gipasakaan ug kaso sa PDEA.

Mitambong hinuon si kanhi Customs Intelligence Agent Jimmy Guban nga lakip sa gipasakaan ug kaso.

Bugtong si Dolores Domingo gikan sa Bureau of Customs ang nakaduso sa iyang counter-affidavit.

Nangayog dugang panahun ang ubang mga respondent aron makasang-at sa ilang counter-affidavit.

Subay niini gitakda sa DOJ ang sunod nga pagdungog sa kaso sa Enero 30 aron makaduso sa ilang counter-affidavit ang mga respondent.

Sa Pebrero 11 gikatakda ang pagduso sa PDEA sa tubag sa mga depensa sa mga respondent.

Kapin 40 ka respondents ang gipaatubang sa ng PDEA sa DOJ sa patung-patong nga reklamong kriminal tungod sa paglusot sa mga shabu nga gisulod sa mga magnetic lifters.

Mga reklamong conspiracy, trading and transportation at importation of illegal drugs ubos sa RA 9165 ang gisang-at nga kaso batok sa maong mga tawo.

Ma-atuban usab ang uban respondent sa kasong obstruction of justice ug negligence and toleration in prosecution of cases ug kalapasan sa Anti-Graft law.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy