Una sa Balita

Mindanao Media hub hapit na mahuman – Andanar

By
0 28

Hapit na mahuman ang gihimong Mindanao Media Hub nga magsilbi nga national government media center sa tibuok Mindanao.

Kini ang malipayong gibalita ni Presidential Communications Operations Office (PCOO) Secretary Martin Andanar human gitukod ang edipisyo sa Davao City.

Matud Andanar nga anaa sa ika upat nga andana ang construction sa state of the art facility nga gipabarog sa kagamhanan.

Matud sa kalihim, kini maoy counterpart sa Luzon Media Hub nga naa sa Quezon City.

Kung mahuman ang Mindanao Media Hub dinhi ibutang ang PTV, Radyo Pilipinas, FM1, FM2, Philippine News Agency, Philippine Information Agency ug ang tanang opisina ubos sa PCOO.

Miingon ni Andanar nga sa panahun nga mahuman ang proyekto adunay na unyay Bisaya newscast ang PTV.

Isunod usab sa kagamhanan ang pagtukod sa Visayas national government media hub kun mahuman ang Mindanao Media Hub.

Matud ni Andanar nga gusto ni Presidente Rodrigo Duterte nga moabot sa tanang suok sa Pilipinas ang mga gihikong programa , mga kausaban ug serbisyo sa kagamhanan ilabi na ang anaa sa lagyong dapit.