Una sa Balita

Michael Yang pasakaan ug kaso – Bato

0 241

Kung kapamatud-an nga nalambigit sa iligal nga kalihukan sa Philippine Offshore Gaming Operators (POGO) si kanhi Economic Adviser Michael Yang, angayang pasakaan kini ug tukmang kaso.

Kini ang hagit ni Senador Ronald “Bato” Dela Rosa human mibutho sa Senado niadtong Miyerkoles ang 23-anyos nga Taiwanese nga si Lai Yu Cian nga miangkon nga biktima siya human trafficking sa POGO.

Kauban ni Lai nga misumbong sa buhatan ni Senadora Risa Hontiveros, nga nangulo sa pagdungog sa Senado sa mga giingong pag-abuso sa POGO, si anti-crime crusader Teresita Ang See.

“Kasuhan nila. Pamilyar ako (kay Michael Yang) taga-Davao yun, Chinese na negosyante,” matud ni Dela Rosa nga miangkon nga kaila niya si Yang tungod kay aduna kini negosyo sa Davao City.

Bisan kanhi economic adviser ni Presidente Duterte si Yang, nagtuo si Dela Rosa nga dili palabyon sa Presidente nga mihimog mga binuang.

“Wala siyang (Duterte) pinapaboran kahit na kakilala, kaibigan niya (lalo) na kapag gumawa ng kalokokan,” matud pa sa senador.

Sa pag-atubang sa Senador, gibutyag ni Lai nga usa ka Michael Yang ang giingong gitudlo nga protektor sa iyang Chinese employer sa POGO sa Makati City.

This website uses cookies to improve your experience. We'll assume you're ok with this, but you can opt-out if you wish. Accept Read More