Una sa Balita

Mga tambalanan sa Northern Luzon naka white alert tungod sa bagyong “Ompong”

By
0 32

Naka-standby na ang mga emergency response team sa Department of Health (DOH) isip pagpangandam sa bagyong ‘Ompong’.

Matud sa DOH, nagpagawas na sila og mga health advisory ug sayo nga nag-apod-apod ug mga tambal dapit sa lalawigan nga posibling maigo sa bagyo.

Gitumbok sa DOH nga adunay P42 million nga kantidad sa mga logistic nga anaa sa ilang ulohang buhatan sa DOH nga andam.na usab nga ipakatap kung gikinahanglan.

Gibutang na sa DOH sa code white alert ang mga tambalanan sa kagamhanan sa Region 1 ug Region 2 aron pangandaman ang posibleng outbreak sa mga sakit tungod sa gikahadlokang pag-igo sa super typhoon “Ompong”.

Gipaabot nga magdala ug pagbaha ang dalang ulan sa kung mahitabo kini daku ang posibilidad nga masaka ang kaso sa leptospirosis, dengue, diarrhea ug cholera.

“Pakiusap namin sa mga magulang, kasi po kapag talagang nagtampisaw ang bata sa tubig na marumi, ang lahat ng sakit ay nandoon na. Mayroong bacteria, mayroong fungus, may virus katulad ng leptospirosis,” pagpasabot ni Health Undersecretary Eric Domingo.

Subay niini adunay hangyo ang opisyal sa publiko.

“Ang water supply natin maaring ma-contaminate iyong pinagkukuhanan ng tubig lalo na iyong mga gagamitin na inumin or gagamiting pantimpla ng halimbawa ipapainom sa mga bata. Common din ang mga sakit na gastroenteritis, hepatitis at may mga mas grabe pa katulad ng typhoid (fever) at cholera,” dugang ni Domingo.