Una sa Balita

Mga kandidato sa pagka CJ gigisa sa JBC

0 92

Gikumpirmar ni Department of Justice (DOJ) Secretary Menardo Guevarra, ex-officio member sa Judicial and Bar Council (JBC), nga mohimo karon ug screening ang JBC alang sa mga kandidato sa pagka Chief Justice.

Naglakio nilang Justices Antonio Carpio, Estela Perlas Bernabe, Diosdado Peralta, Lucas Bersamin, ug Andres Reyes Junior.

Una nang gipaluyohan sa JBC ang resolusyon sa Korte Suprema na dili nalang ipaubos sa public interview ang mga senior justice sa Korte Suprema nga kandidato alang sa Chief Justice nga position.

Giklaro sa JBC nga mahimo usab nilang ipaubos sa pagpangutana ang mga aplikante sa pinaagi sa closed-door proceedings.

Kumbinsido ang JBC nga dili kini maghatag ug kakuyaw ngadto sa publiko kung pinaagi sa medya ang paggisa sa mga aplikante pagka Chief Justice karong kauban sa mapangutana ang isyu kabahin sa ilang Statement of Assets, Liabilities and Networth (SALN) ug uban pang personal nga isyu.

Kaniadto pa gipaubos sa public interview ang mag-apply isip Supreme Court Associate Justice.

Samtang gikompirma ni Guevarra nga sa November 16 mopagawas na ang JBC ug shortlist alang sa usa ka associate justice post.

Partikular ang pwestong gibakante ni retired Chief Justice Teresita De Castro nga miabot sa mandatory retirement age nga 70 niadtong October 10.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy