Una sa Balita

Mga hotel palibot sa Manila Bay, gihulga nga ipasirado ni Duterte

0 317

GIpahimangnuan ni Presidente Rodrigo Duterte ang mga hotel sa palibot sa Manila Bay nga magbutang ug waste treatment facility kung dili kini gustong pasirad-an.

Gibutyag kini sa Presidente sa iyang pagpakigpulong sa Barangay Summit on Peace and Order sa Pasay City kagabii.

Miingon ang Presidente nga iyang gimanduan ang rehabilitasyon sa Manila Bay diin pipila ka dagkong hotels ug mga establisyimento ang direktang naglabay sa ilang waste product sa dagat.

“Sabi ko kay Roy Cimatu pati si Año, you start cleaning the Manila Bay. And it will be, they will start to clean,” matud sa Presidente.

Miingon ang Presidente nga ang ihi ug mga hugaw sa mga torista gilabay sa Manila Bay busa panahon na aron matarong ang mga hotel kung dili kini gustong tak-upan.

“Whether they like it or not, lahat itong… Itong mga hotel, ‘yung palabasin ninyong tae ng mga turista. Kaya ko kung tae ng Filipino pa ‘yan. Lagyan niyo ng water treatment ‘yang hotel niyo kung hindi sarhan ko ‘yan. Huwag niyo akong hamunin,” dugang pamahayag sa Presidente. (Jessilito Campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy