Una sa Balita

Mga gobernador nakakitag kauban si Bam

By
0 491

Nakakitag kaalyado ang League of Provinces of the Philippines (LPP) ni Senador Paolo Benigno “Bam” Aquino tungod sa pagpakabana niini sa panginahanglan sa mga local government unit (LGUs) ug mga molupyo niini.

Unang nagpasalamat ang LPP tungod sa pagpaningkamot ni Aquino nga mahibalik ang moabot sa P2.358 bilyon pesos nga Internal Revenue Allotment (IRA) alang sa mga LGU sa 2019 national budget.

Natangtang ang maong budget human gipagawas ang Local Budget Memorandum 77-B sa Department of Budget and Management nga nagminus sa IRA sa moabot sa 70 ka lalawigan.

“Senator Bam Aquino fully supported the LGUs’ appeal to restore the P2.358 billion IRA decrease and sponsored the proposed amendment of the LPP in the general provision on the IRA,” matud sa gipagawas atol sa General Assembly Resolution 2019-01 nga adunay petsa nga Feb. 27, 2019.

Sa iyang speech sa general assembly sa LPP, matud ni Aquino nga gipangayo niya sa Committee on Finance nga ilakip ang kinatibuk-ang P2.358 bilyon aron makasiguro nga makatubag sa mga isyu ug problema sa ubang mga LGU.

“All of us in the Senate are willing to help ensure that the local government units can address the issues and problems of your constituents in the provinces,” matud ni Aquino.

This website uses cookies to improve your experience. We'll assume you're ok with this, but you can opt-out if you wish. Accept Read More