Una sa Balita

Mga ‘gipabakasyon’ nga kawani sa Customs nakigkita ni Duterte

By
0 198

Miatubang ni Presidente Rodrigo Duterte karong adlawa Huwebes sa hapon sa Malacanang ang mga kawani sa Bureau of Customs (BOC) nga gibutang sa floating status tungod sa isyu sa kahiwian.

Lunes ang unang schedule aron makigkita ang 64 ka kawani sa BOC ni Presidente Duterte apan wala kini madayun tungod kay adunay kalihukan ang Presidente sa Mindanao.

Matud sa usa ka opisyal nga duol sa Presidente, ang mga gipatawag ang mga kawani nag-atubang ug kasong administratibo busa walay kasigurohan kung ang tanang 64 nga anaa sa floating status lakip sa gipatawag sa Malacañang.

Misaad hinoun si Presidential Spokesman Salvador Panelo nga mapagawas kinig pamahayag kung mahuman ang pag-atubang sa mga BOC employee sa Presidente.

Ang lakang ni Pangulong Duterte nga gibutang sa floating status ang mga kawani sa BOC kabahin sa paglimpiyo sa ahensiya nga naputos sa mga kahiwian.

Nasayran nga gibutyag sa Presidente nga duha lang ang opsiyon sa mga gipatawag sa Palasyo, ang pag-resign sa puwesto o atubangon ang kasong isang-at batok sa mga kawani.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy