Una sa Balita

Mga celebrity nga modagan sa 2019 election

By
0 314

Pipila ka bulan nalang nahitabo na ang 2019 midterm election, dili pa lang dugay mi-file sa ilang certificate of candidacy ang gustong magpapili sa nagkadaiyang posisyon.

Apan susama sa miaging mga piniliay dili mawala sa listahan ang mga celebrity nga nagtinguha nga moserbisyo sa kagamhanan.

Ania ang listahan sa pipila ka celebrity nga misang -at sa ilang COC alang sa 2019 midterm election:

Bong Revilla

Ang asawa sa kanhi senador nga si Lani Mercado ang misang-at sa COC ni Bong. Kung kahinumdumab upat na ka tuig nga gibilanggo sa Camp Crame subay sa kaso sa pork barrel scam.

Ciara Sotto

Mosulod na usab sa politika ang anak ni Senate President Tito Sotto ug Helen Gamboa, isip second nominee sa Luntiang Pilipinas Party.

Dr. Willie Ong

‘Para may doktor sa Senado 2019’ usa kini sa tumong sa celebrity doctor nga si Dr. Willie Ong nga adunay 10 million followers sa kanyang Facebook page.

Edu Manzano

Misang-at usab ang aktor, host ug kauban sa ‘Ang Probinsyano’ nga si Edu Manzano sa iyang COC sa pagkakongresista sa San Juan City. Midagan na kaniadto ang aktor isip vice president ug senador apan parehong kining napildi.

Freddie Aguilar

Wala na mahibulong ang uban nga misang-at siya sa iyang COC ang OPM icon nga si Ka Freddie, kaniadto pa nailhan na ang singer sa pagka supporter ni Presidente Duterte.

Jiggy Manicad

Ubos sa Hugpong ng Pagbabago ni Davao City Mayor Sara Duterte, modagan pagka senador ang kanhi GMA 7 newscaster nga si Jiggy Manicad

Lito Lapid

Matag gabii natong makita si Lito Lapid sa primetime teleseryeng ‘FPJ’s Ang Probinsyano’ apan sa lahing arena na usab siya karon makig-away. Kanhi nahimo siyang senador ang aktor apan subling gisuwayan ang politika sa pagka senador karong 2019.

Richard Yap

“I am hoping that if we have the help of our government then we can do so much more as long as these are handled properly,” kini usab ang tumong ni aktor nga si Richard Yap sa pagsulod niya sa politika isip kongresista sa North District sa Cebu City.

Rommel Padilla

Mosulod na usab ang daddy ni Daniel Padilla sa politika, sa pagdagan isip kongresista sa First District sa Nueva Ecija.

Imelda Papin

Modagan usab ang Jukebox Queen nga si Imelda Papin isip bise gobernador sa Camarines Sur.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy