Una sa Balita

Medical mission sa party-list group, susihon sa FDA

By
0 27

Gisusi na sa Food and Drug Administration (FDA) ang alegasyon batok sa Ang Mata’y Alagaan (Mata) party list human nabalitaan sa Department of Health (DOH) ang kuwestiyonable nga mga medical mission sa grupo.

Matud ni DOH Secretary Francisco Duque III, nga gitahasan ang FDA nga susihon ang pasangil sa Pinoy Aksyon for Governance and Environment (Pinoy Aksyon) batok sa Mata Partylist.

“It is already being investigated by the FDA,” matud ni Duque.

Partikular nga imbistigahon sa FDA ang balita nga giingong nanghatag kini ug tambal nga dili rehistrado sa ahensiya.

“We want to ensure that the products or the materials for the conduct of eye missions are in consonance with the FDA standards for quality, safety, and effectiveness,” pagpasabot ni Duque.

Mahimong molihok ang DOH human ipagawas sa FDA ang resulta sa imbestigasyon.

“It depends on the results of the investigation as it will serve as basis for the filing of appropriate cases,” pasalig ni Duque.

Niadtong miaging semana nagpadala ug sulat ang Pinoy Aksyon sa kalihim diin gipangayo nila nga mopahigayun ug pakisusi sa kuwestiyonable nga kalihukan umano ng Mata partylist.

Ang Pinoy Aksyon for Governance and Environment usa ka independent people’s organization ug think tank advocate for good governance pinaagi sa transparency ug accountability.