Una sa Balita

Mayor Sara gisuportahan ang kandidatora ni Bong Revilla

By
0 90

TACLOBAN CITY – Misubra na ang gidaghanon sa mga kandidato nga gisuportahan sa Hugpong ng Pagbabago alang sa umaabot nga piniliay sa 2019 human gipahibalo ni Davao City Mayor Sara Duterte ang iyang pag-suporta sa kandidatura ni kanhi Senador Ramon ‘Bong’ Revilla Jr.

Nalakip ang pangalan ni Revilla sa mga nadugang sa listahan sa mga paluyohan ni Mayor Sara human pormal niyang pirmahi ang paghiusa sa iyang partido sa Lakas Christian-Muslim Democrats (Lakas-CMD) niadtong miaging Miyerkoles sa dakbayan sa Tacloban.

Ang asawa sa kanhi senador nga si Bacoor City Mayor Lani Mercado ang mipuli ni Revilla sa maong panagtigum.

Si Revilla gitanggong sa PNP Custodial Center sulod sa Camp Crame tungod sa kasong plunder kabahin sa bilyong-pisong pork barrel scam.

Gawas ni Revilla, gidala usab sa gropu ni Mayor Sara ang sikat nga medical-blogger nga si Dr. Willie Ong.

Kung sumadahon moabot sa 15 ang mga gi-endorsong kandidato sa Hugpong alang sa umaabot nga piniliay sa sunod nga tuig.

Nalakip sa listahan sa HNP silang Senadora Cynthia Villar, Taguig Rep. Pia Cayetano, Ilocos Norte Governor Imee Marcos, dating Philippine National Police (PNP) chief Ronald ‘Bato’ dela Rosa; dating Special Assistant to the President SAP Christpher ‘Bong’ Go, ang magsuon nga silang Senador JV Ejercito ug kanhi Senador Jinggoy Estrada; ug si Maguindanao 2nd district Rep. Zajid ‘Dong’ Mangudadatu.

Lakip usab sa mga suportahan sa mayor sa Davao silang PDP-Laban President ug Senador Aquilino ‘Koko’ Pimentel III, kanhi Presidential Spokesman Sec. Harry Roque, LDP President ug Senador Sonny Angara, ug ang kanhi Kapuso brodkaster nga si Jiggy Manicad.