Una sa Balita

Mayor sa Lanao del Sur nakalingkawas sa pagpamanhig, 3 ka security samdan

0 205

Jess Campos

Nakalingkawas sa pagpamanhig ang usa ka mayor sa lungsud sa Masiu, Lanao del Sur apan samdan ang tulo niini ka bodyguard human paulani ug bala sa wala pa maila nga suspek ang convoy niini kaganihang buntag sa Barangay Gata.

Sa report ni Police Col. Madzgani Mukaram, Police Provincial Director sa Lanao Del Sur, nga wala maigo si Masiu Mayor Nasser Pangandaman Jr., apan tulo sa iyang mga kauban, lakip ang police escort nga anaa sa pikas sakyanan, ang samdan giila nga silang Cpl. Jabbar Romato Pangandaman ug duha ka sibilyan nga silang Jamal Gabriel Pangandaman ug Cosnading Mangandog.

Luwas na ang kahimtang sa maong mga biktima ug nagpaalim sa Amai Pakpak Medical Center.

Sa taho, nahitabo ang insidente wala pa mag alas-10:00 sa buntag sa Barangay Gata, sa lungsud sa Buadipuso-Buntong.

Gikan sa ng iyang opisina sa Marawi City ang mayor og mopaingon na nta kini sa lungsud sa Masui alang sa regular meeting sa Municipal Peace and Order dihang gibanhigan sila sa mga suspek na armado tag-as nga kalibre sa armas hinungdan nga nasamdan ang tulo niini ka kauban.

Usa ka Special Investigation Task Group ang giumol sa kapolisan aron mapadali ang pagsolbad sa maong kaso.

This website uses cookies to improve your experience. We'll assume you're ok with this, but you can opt-out if you wish. Accept Read More