Una sa Balita

Mayhem Mbala: Back-to-Back MVP

By
0 123

Sinunggaban ni La Salle big man Ben ­Mbala ang pangalawang sunod na UAAP Most Valuable Player award kahit kulang siya ng dalawang laro sa 14-game elimination round ng Season 80 basketball tournament. 

May Statistical Points average na 96.58 ang ­Cameroonian. 

Sinandalan ng Green Archers ang matikas na laro ni Mbala kaya tumapos sila ng 12-2 record sa pagtatapos ng elims round noong Linggo.

Dinungisan ng Taft-based squad ang malinis na baraha ng Ateneo matapos ang 79-76 panalo noong Linggo.

Nangalabaw si Mbala sa kanilang panalo, nag­tala ng 28 points at 19 rebounds.

Bukod kay Mbala, nasa Mythical Team sina ­Ateneo star Thirdy Ravena na pangalawa sa MVP race (66.50 SPs) at NU cager J-Jay Alejandro na ranked No. 3 (63.86 SPs).

Ang ibang nasa top 5 ay sina UE Warrior Alvin Pasaol (63.43 SPs) at ­Adamson Falcon Papi Sarr (63.15 SPs). 

Rookie of the Year si Juan Gomez de Liano ng UP. 

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy