Una sa Balita

May adlaw ra! Loot basin madayun ang ika tulong ambush – Duterte

0 161

Wala pa gihaponmawagtang ang kasuko ni Presidente Rodrigo Duterte ni kanhi Police General ug Daanbantayan,Cebu mayor Vicente Loot nga gilambigit sa illegal drug trade.

Sa iyang pakigpulong sa oathtaking sa mga bag-ong napili nga opisyal sa Cagayan de Oro City, subling gipadayag sa Presidente ang dautang epekto sa iligal nga droga sa nasud ug sa matag pamilya, pari usab ang mga anaa likod sa pagkatap ug paglig-on sa illegal drug trade sa nasud.

Matud niya si Loot usa sa mga heneral sa Philippine National Police (PNP) nga gitumbok nga anaa sa likod sa iligal nga drogas.

Matud sa Presidente nga nakalingkawas ang mayor sa duha ka higayun nga pagpamanhig, pero matud niya nga sa ika tulong higayun dili na kini makalusot.

“That son of a bitch General Loot was ambushed twice, but the devil is still alive. Maybe on the third attempt,”matud sa Presidente.

Gipasabot ni Presidente Duterte nga migrabi ang sitwasyon sa iligal nga droga sa nasud niadtong nakalabay nga administrasyon tungod kay Loot ug kanhi police General Marcelo Garbo, kauban ang ubang heneral.

Miingon ang Presidente nga ang mga kanhi narco-generals ang mipagrabi sa sitwasyon busa lakip ang mga ordinaryong polis dili makalihok tungod niini.

“The situation worsened during Aquino’s time because of Garbo and Loot . They were the ones lording it over sa region. And even if you ask any of the policemen, they couldn’t act on it because there were nine generals involved,” dugang pa sa Presidente. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy