Abante Online
Abante is the leading Tagalog-language tabloid paper in the country.

Matt ‘di kumagat sa Terrafirma Dyip

0 168

SUMAKAY sa unrestricted free agency rule ng PBA si Matt Ganuelas-Rosser.

Tinanggihan daw ng 31-anyos na Fil-Am ang offer ng Terrafirma para subukan kung ano ang value niya sa free agency.

Kasama si Ganuelas-Rosser sa 2014 PBA Draft, No. 4 pick ng NLEX Road Warriors.

Sa ilalim ng Ely Capacio Rule na epektibo ngayong taon, puwede nang maghanap ng bagong team ang isang player basta naka-pitong taon na sa liga at napasuhan ng kontrata.

Nag-expire na rin noong Dec. 31 ang deal ni Ganuelas-Rosser.

Sinalo ng Dyip ang kontrata ni Ganuelas-Rosser mula San Miguel Beer para sa CJ Perez trade noong nakaraang taon.

Hindi raw kinagat ng guard ang two-year offer ng Terrafirma.

Sa limang laro bago natigil ang Governors Cup, nag-average si Ganuelas-Rosser ng 5.0 points, 2.0 rebounds at 1.8 assists.

Isa siya sa pangunahing rotation ni coach Johnedel Cardel kasama nina Juami Tiongson, Roosevelt Adams, Aldrech Ramos at Andreas Cahilig. (VE)

Leave A Reply

Your email address will not be published.