Una sa Balita

Math contest sa China gidominar sa mga tinun-ang Pinoy

0 162

Sa kinatibuk-an moabot sa 11 ka medalya ang gikuwentas sa mga estudyanteng Filipino sa tulo ka managlahing Mathematics contest nga gihimo sa China niadtong Hulyo ug Agosto.

Usa ka bulawan upat ka silver ug umom ka bronze medal ang nakuha sa mga estudyante sa gihimong ika 19th China Western Mathematics Invitational, 18th China Girls Mathematical Olympiad ug 16th China Southeast Mathematical Olympiad.

Giila ang milampos pagkuhag gold medal nga si Immanuel Josiah Balete, nga gikan sa St. Stephen’s High School.

Silver usab ang nakuha nilang William Joshua King (University of San Carlos sa Cebu); Charles Justin Shi (Philippine Cultural College Caloocan); Vanessa Ryanne Julio (St. Jude Catholic School); ug Gwyneth Margaux Tangog (Southville International School and Colleges).

Samtang bronze medal ang nasuglit nilang Fedrick Lance Lim (Zamboanga Chong Hua High School); Deanne Gabrielle Algenio (Makati Science High School); Hiraya Marcos (Philippine Cultural College-Main); Charles Justin Shi (Philippine Cultural College-Caloocan); Issam Wang (Manila Science High School); ug Stephen James Ty (Zamboanga Chong Hua High School). (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy