Una sa Balita

Marinong pinoy binabalasubas ng Panama maritime

By
0 704

Pinalagan ni ACTS OFW Party-list Rep. John Bertiz III ang dagdag si­ngil na ipinatong sa medical examination ng mga Pinoy seafarer na kumakayod sa Panamanian registered vessel.

Nananawagan si Bertiz sa Department of Health (DOH) na im­bestigahan ang panini­ngil ng P1,040 na medical examination fee sa mga mandaragat na Pinoy.

Ayon kay Bertiz, nagpapatong ng dagdag singil ang Panama Maritime Authority (PMA) sa kada Filipino seafarer na kumukha ng Panamanian Medical Certificate na rekisitos bago makapagtrabaho at i-deploy ang seafarer.

“I want to know if this new scheme had the stamp of approval from the DOH, the DFA, and other concerned agencies. If yes, these agencies have to start evalua­ting their priorities since they might be more concerned with lining the pockets of businessmen rather than protecting the interests of our wor­kers,” pahayag ni Bertiz.

Tinatayang 300,000 mga Pinoy seafarer ang taunang naitatala ng Panama authority na sumasailalim sa medical examination isang beses kada taon.

“If the new fees were imposed without consul­ting or getting the approval of these agencies and if these are in conflict with our laws and regulations, we must take urgent steps to stop the imposition of these new fees,” dagdag nito.

‘Discriminatory’ aniya­ ang ginagawang paniningil dahil pinupuntirya lamang nito ay mga Pinoy.

“I am concerned that Filipino seafarers are being singled out by the new fees. Why is it not being imposed on seafa­rers of other nationalities? This violates the non-discrimination clauses present in almost all international conventions governing the rights of migrant wor­kers,” ayon pa sa solon.

Sa kasalukuyan ay wala pang ahensiya o departamento ng gobyerno na nangangasiwa sa mga marinong Pinoy na katumbas na proteksiyong ibinibigay ng International Maritime Organization (IMO).

Kapag may problema ang mga marino ay dumidirekta pa rin ang mga ito sa mga ahensiya ng gobyerno na nanga­ngalaga sa mga overseas Filipino worker.